Only the lonely

Á morgun flytja Anna og Freyr út. Við vissum öll að það hlyti að koma að þessu en þeim bauðst fín íbúð on the west side þannig að þau fara þó ekki mjög langt. Að mörgu leyti verður mjög indælt að verða ein í kotinu á ný en svo verður það líka ansi einmanalegt. Nú verðum ég og Hrólfur (brúðan mín úr the Muppets) bara að reyna að láta okkur líða vel saman. Þið gætuð kannski aðstoðað okkur yfir erfiðasta hjallann með því að kíkja endrum og eins í heimsókn en ég verð að segja ykkur að Anna og Freyr fá forráð yfir kaffivélinni góðu sem þeytir mjólkina á sinn einstaka hátt þannig að instant kaffi verður það eina sem þið fáið.

Nei, nei. Ég er glöð, svakalega glöð og í tilefni þess að það er kominn föstudagur ætla ég koma með smá músíkgetraun. Úr hvaða lagi er þessi textabútur og hver flytur?

Daddy, you've still got me and little Tommy
Together we'll find a brand new mommy
Daddy, daddy, please laugh again
Daddy ride us on your back again

Hálfþrítug kona og heilsufrík...

Þegar maður eldist (!) þarf maður óhjákvæmilega að fara að hugsa um heilsuna því ekki vill maður enda sem sjúklingur um sjötugt. Ég er hætt að reykja (en drekk þeim mun meira í staðinn:-/) og það gengur svona fjandi vel. Skil ekki hvernig mér tókst að leyfa sígarettunni að stjórna lífi mínu í öll þessi ár. Skil það ekki! Nú tek ég næsta skref og kaupi mér líkamsræktarkort. Þetta er nú ekki í fyrsta skiptið sem ég geri þetta en ég keypti mér árskort síðla árs 2002 og fór líklega ca. 12 sinnum í ræktina á þeim 12 mánuðum sem kortið gilti. Nú eru þó breyttir tímar: Eldri kona= ný kona! Við Alma höfum ákveðið að kaupa okkur 4 mánaða kort í Baðhúsinu á slikk. Það kostar einungis 10.000 kr. Ég er líka svo heppin að fá 1500 kr. líkamsræktarstyrk á mánuði þannig að kortið kostar mig bara bloody 4 thousand kroner! Svo er það bara að hvetja mig áfram. Hlauptu Kamilla, hlauptu! Lyftu Kamilla, lyftu! Jógaðu Kamilla, jógaðu!

Ungfrú hallærispía 2004

Af hverju er það aldrei svona í fegurðarsamkeppnum:

Næsta á svið fáum við Kamillu Ingibergsdóttur en hún er 25 ára og kemur úr Keflavík. Hún klæðist kjól af útsöluslánni í Hagkaupum og skartið er frá Ice in a bucket. Hún þjáist af bulimíu á háu stigi og mun að öllum líkindum fá húðkrabba vegna óhóflegrar notkunar ljósabekkja. Hún hefur mikinn áhuga á gervinöglum og hyggur á frama í ásetningu þeirra. Gefum henni gott klapp!!

Ég tek það fram að þetta er auðvitað bölvað kjaftæði en vildi nota þetta litla dæmi til að sýna fram á fáránleika fegurðarsamkeppna. Ég var nefnilega að horfa á Ungfrú Reykjavík á Skjá einum í gærkvöldi og maður fékk aldrei að vita neitt um þær. Sá þær bara á brókinni og svo í fínum kjólum sem komu væntanlega ekki úr Hagkaupum. Svo var samt einhver gaur frá Séð og heyrt í dómnefnd að tala um að sigurvegarinn þyrfti að vera gáfuð. Alla vega ekki nógu gáfuð til að segja nei við svona vitleysu.

Upphafsatriðið var sérstaklega hallærislegt en stúlkurnar voru látnar mæma eitthvað lag. Af hverju voru þær ekki látnar gera eitthvað sem sýndi þeirra eigin hæfileika í stað þess að dilla sér við músík einhvers annars og þykjast spila á gítar eða trommur. Það hefði jafnvel mátt kenna þeim nokkur grip og síðan hefðu þær bara getað tekið lagið sjálfar. Já, svei mér þá. Svo er líka annað. Hvað gerir Ungfrú Ísland eiginlega? Ég barasta skil þetta ekki, skil þetta ekki!

Kamilla vanilla

Afmæli komið og farið og ég orðin hálfþrítug. Fólk fór í skrúðgöngur út um allan bæ mér til heiðurs og veðurguðirnir voru í stuði. Ég bauð í partý á Stúdentakjallaranum á miðvikudaginn og þar var taumlaus gleði fram á nótt. Brynja Dögg setti upp ljósmyndasýningu mér til heiðurs og viðfangsefni myndanna var Kamilla sjálf, mjög smart;-) Svo sungu Anna, Freyr, Brynja og Dögg lag sem þau sömdu til mín. Algjör snilld sem ég hef verið með á heilanum síðan þá. Svona er textinn:

Hún er svo sæt og sífellt dansandi
Svaka lagleg pía með hárið glansandi
Með allt í röð og reglu - hún er svo skipulögð
Reykir ekki lengur og er ætíð vel upplögð

Við sáum hana fyrst einn skóladag
Við skráðum okkur öll í sama fjölmiðlafag
Hún var með allt á hreinu og vildi vera best
Hún má nú sosum eiga það að ekki var hún verst!

Hún elskar snúða -kanilla- og á sunnudegi best er að chilla
Hún heitir Kamilla Kamilla Kamilla
Er algjört vanilla vanilla vanilla
Hún Kamilla Kamilla - hún Kamilla

Hún er menntuð, upplýst kona og meinar öllum vel
Mun bjarga öllum heiminum - það ég tel
Hún kippir öllu í lag á sínum Rauða kross
Komdu hérna stelpa og gemmér afmæliskoss

Hún elskar snúða -kanilla- og á sunnudegi best er að chilla
Hún heitir Kamilla Kamilla Kamilla
Er algjört vanilla vanilla vanilla
Hún Kamilla Kamilla - hún Kamilla

En Beðmál i borginni hún missir aldrei af
Og brosmilt andlitið - guð henni gaf
Ekkert verkefni hjá henni er vandamál
Við vinkonurnar segjum þína skál!!!!!

Hún elskar snúða-kanilla - og á sunnudegi best er að chilla
Hún heitir Kamilla Kamilla Kamilla
Er algjört vanilla vanilla vanilla
Hún Kamilla Kamilla - hún Kamilla

Þetta var frábært kvöld í alla staði og ég segi bara takk fyrir mig, elsku vinir. Þið eruð yndisleg!!!!

Bolla, bolla?

Gluggaveðrið er að gera mig geðveika. Hið íslenska rok er af djöflinum komið. Ég sé fram á húfu og vettlinga langt fram á vor/sumar.

Ég fór á 101 Reykjavík á laugardagskvöldið. Ótrúlega var þetta fínt hjá þeim! Ég fór nú samt að ráðum Kristínar Laufeyjar og tók með mér húfu, trefil og vettlinga, þökk sé guði. Það var nefnilega skítakuldi þarna inni. Nóg um það. Mér hefur alltaf þótt Stúdentaleikhúsið alveg frábært og mjög fagmannlegt miðað við áhugaleikhús. Ekki breytti 101 Reykjavík neinu um það. Það er líka svo frábært að þau gerðu þetta sjálf, þetta er barnið þeirra. Strákarnir sem léku Hlyn Björn voru alveg frábærir, Vigdís var rosa fín, líka mamman og Hannes Óli sem pabbinn en svo stal hann senunni sem kolklikkaði vúdúlæknirinn, djöfull dó ég úr hlátri. Stelpan sem lék systur Hlyns var líka fín, átti góða spretti sem snobbuð húsfrú í Grafarvogi. Mörg atriðanna voru alveg frábær og mér fannst það sniðug lausn að hugsanir Hlyns voru leiknar. Með því náðu þau að koma á framfæri ótrúlega mörgu, þ.á.m. skemmtilegum orðaleikjum. Svo voru þau með skjávarpa sem gerði mikið. Toppeinkunn frá mér þrátt fyrir kvefið sem fylgdi í kjölfarið. Það eru víst aukasýningar um helgina þannig að nýtið ykkur það.

Núna er ég að plana afmælið mitt á fullu. Stærsti höfuðverkurinn virðist vera hvort ég eigi að bjóða um á bollu eða bjór. Hvað finnst ykkur? Ef þið segið bolla endilega komið þá með sniðuga uppskrift.

Long time, no blibb

Heil og sæl. Hef aðeins gleymt mér í blibbletinni enda búin að vera í Keflavíkinni þar sem ekkert rafmagn er og nóg af útikömrum. Nei, annars hafði ég það svo ofurgott á Hótel Mömmu yfir páskana. Ingi Þór bróðir ákvað að koma ekki heim vegna þess að hann var búinn að djamma svo mikið (?!). Ég þurfti smá tíma til að jafna mig, fór næstum að væla en tók mig saman í andlitinu og hugsaði með mér að þetta væru nú ekki endalok alls. Í stað Inga Þórs fékk ég nefnilega Guggu mína heim frá Aberdeen og Öldu frá London. Gugga hélt síðan æðislegt partý á laugardaginn og það er langt síðan ég hef hlegið svonað og farið á eins mörg trúnó. Það var svo gaman! Verst er að Gugga fer út 20. apríl þannig að hún rétt missir af afmælinu mínu.

Ég hef hugsað mjög mikið til Björns Bjarnasonar dómsmálaráðherra en hyggst ekki eyða púðri í þann skítadurg enda hafa nánast allir blibbað um skítlegt hátterni hans.

Ég horfði á Sexið í gær að venju. Eftir því sem nær dregur lokaþáttinn fyllist ég ófyllanlegu tómi og kvíði þeirri stundu er fimmtudagskvöldin munu hætta að hafa tilgang.

Ég mun hugsa mig tvisvar um þegar mér er boðið í glas næst á skemmtistað. Óhugnalegar frásagnir ungra stúlkna af eiturbyrlan í Fréttablaðinu í dag.

Ég er að fara á 101 Reykjavík annað kvöld. Vegna umsagnar Kristínar Laufeyjar mun ég klæða mig vel.

Ég ætla að baka dásamlega döðluköku í dag. Hún er holl og gómsæt. Svo ætla ég að breyta mér í miðaldra konu og fá mér sjérrístaup með kökusneiðinni.

Hér er smá getraun. Úr texta hvaða lags er þessi bútur og hver er flyjandinn?

Now some they do and some they don't
And some you just can't tell
And some they will and some they won't
With some it's just as well

Jæja, góða helgi, my peeps. Passið ykkur á skemmtistaðanauðgurunum (oj bara)!

Páskafrí, here I come

Klukkutími í fimm daga helgi. Gæti ekki verið betra. Er að fara í matarborð í kvöld, annað kvöld og á föstudagskvöldið. Ætla síðan að skella mér í Keflavíkina góðu og hitta Mutti und Vati og Inga Þór sem er að koma í frí frá Manchester. Svo held ég að það séu miklar líkur á að Keflavíkurgengið haldi partý í bítlabænum sjálfum á laugardagskvöldið þannig að dagskráin er fullbókuð.

Mamma og pabbi gáfu mér voða fínan skenk úr IKEA. Hann er svona 60's, retro, hip&cool eitthvað. Svaka smart. Ætla mér að púsla honum saman sem fyrst til að fullkomna stofuna! Takk, elsku foreldrar!

Mig langar til að benda ykkur á heimasíðu Toshiki Toma, prests innflytjenda. Eins og þið hafið kannski tekið eftir hafa talsmenn innflytjenda og fleiri lýst yfir óánægju vegna nýs frumvarps um breytingu á lögum útlendinga. Atriðin sem óánægja ríkir yfir eru vel útlistuð á þessari síðu (fyrst á ensku, svo á íslensku). Svo er þetta góða fólk að safna nöfnum fólks sem er sammála gagnrýni þeirra. Endilega skoðið þetta og sendið nafnið ykkar ef ykkur finnst þetta frumvarp eins skítlegs eðlis og mér.

Annars segi ég bara gleðilega páska og passið ykkur á málsháttunum (Nói & Síríus virðast vera í einhverri niðurrifsstarfsemi þessa páskana...).

Matargat

Komiði sæl. Sit hérna í stofunni heima og hlusta á The great gig in the sky með Pink Floyd. Djöfull er það geggjað lag. Á morgun hefst þriggja daga vinnuvika. Já, lífið er ljúft. Við sambýlingarnir höfðum það óvenjulega gott í gær. Vöknuðum reyndar þunn (ég endaði á svaka skralli á föstudaginn eftir miklar yfirlýsingar um hollara líferni og rólegheit...) en ég reddaði því með orkusjeik með berjum, bönunum, sojamjólk og klökum. Síðan hélt átið áfram þegar við fórum á Humarhúsið og fengum okkur yndislega humarsúpu og besta vatn sem við höfum smakkað (Það var ítalskt, ekki íslenskt). Kíktum síðan í Koló en það var verið að loka þannig að við ætlum aftur í dag. Átveislan hélt síðan áfram heima þar sem ég eldaði rósmarín sítrónu kjúkling. Algjört lostæti, ég er sko meistarakokkur!

Söngkeppni framhaldsskólanna átti síðan hug minn allan um kvöldið. Verð nú að segja að mig langaði helst að lemja þessa kynna. Þeir voru ekki fyndnir, sérstaklega mjónan. Ég var nokkuð sátt við úrslitin en var nú mest hrifin af gaurnum frá Akureyri sem söng Nights in white satin en hann endaði í öðru sæti. Hann gerði það fantavel og ekki skemmir fyrir að þetta er eitt uppáhaldslaganna minna. En stelpurnar í MH áttu þetta alveg skilið. Rosa skemmtilegur texti hjá þeim. Það voru nokkuð margir lélegir í þessari keppni. Áberandi lélegastur fannst mér gaurinn sem tók lag Heru, Itchy palms. Það var einstaklega vont hjá honum.

Jæja, ég ætla að skella mér í Koló og reyna að gera góð kaup.

Getraun dagsins (nýr liður í blibbinu, gæti orðið getraun vikunnar): Úr texta hvað lags er þessi bútur og hver er flytjandinn?

Holy Moses I have been deceived
Holy Moses let us live in peace
Let us strive to find a way to make all hatred cease
There's a man over there what's his colour I don't care

Verðlaunin eru leyndó...

Í kvöld riðlast tilvera mín

Sumir búa í material world, aðrir búa í mad world og enn aðrir, fólk eins og ég (eða kannski bara ég), búa í veröld vanans. Já, veröld vanans er góður staður. Þar kemur ekkert á óvart og allir hlutir eru á sínum stað. Þar er líka mjög hreint. Ég hef aldrei verið sveimhuga og mun seint teljast nýjungagjörn en í kvöld mun allt þetta breytast. Já, eins og glöggir lesendur hafa kannski áttað sig á er fimmtudagur og eins og enn gleggri lesendur hafa áttað sig á er Sex and the city á dagskrá í kvöld sem þýðir fótabað og freyðivín (I wish!) hjá Kamillu litlu... En nei, ég verð ekki heima í kvöld... ég verð að vinna á... Stúdentakjallaranum. Já, þrátt fyrir að vera vanaföst hjálpa ég líka vini í neyð og þegar hún Gunnhildur Eyja hringdi í mig og bað mig um að vinna gat ég ekki sagt: „Nei, ég get það ekki vegna þess að ég þarf að horfa á Sexið og fara í fótabað.“ Þannig að ég fór til hennar Hilmu minnar í gær með tvær videóspólur og sýndi henni hvað hún ætti að gera í því viðkvæma ferli sem kallast Að taka upp Sex and the city fyrir Kamillu Ingibergsdóttur. Ef henni tekst þetta hefur hún fullkomnað vináttu okkar þó svo að við notum ekki sömu skóstærð en við miðuðum eitt sinn fullkomnun vináttu okkar við það...

Ég kvíði ekki beint fyrir kvöldinu enda hef ég mikla reynslu af dælingu bjórs. Gerði það í heila 24 tíma (reyndar skipt niður á vaktir) á Hróarskeldu 2003. Reyndar mætti segja að helmingur bjórsins hafi farið ofan í mig en ég hafði glas við hliðina á mér sem ég drakk alltaf úr. Mjög útsjónarsöm. Bjórtjaldið okkar var einmitt við helvítis teknótjaldið þannig að ég er öllu vön. Var með eyrnatappa allan tímann og komst að því að það er betra að hafa eyrnatappa þegar með fer á suma tónleika. Það dempar aðeins hljóðið og gerir það fallegra. Ég myndi til dæmis nota eyrnatappa á Iron Maiden en ekki á Will Oldham, if you know what I'm saying.

Jæja, það er 1. apríl og ég trúði næstum því helvítis Bruce Springsteen og Simon Cowell fréttunum í blöðunum. Áttaði mig á því nokkrum mínútum seinna og fannst þetta bara helvíti gott djók. Ég hef reyndar alltaf verið frekar trúgjörn. It runs in the family, held ég.