Even normal hair needs maximum vitality...

Eykst hárvöxtur í hita? Það hlýtur bara að vera! Ég er ekki fyrr búin að láta klippa á mér toppinn að hann er orðinn of síður. Ég gerðist meira að segja svo djörf að klippa hann sjálf... tvisvar!! Það gekk vel í fyrra skiptið en ekki svo vel í það seinna. Þarf bara að láta prófessjónal sjá um málið. Jæja, þetta voru hárfréttir kl. 21.00.

Ég lét Lene (bossinn á elló) vita að ég þyrfti að hætta í enda júlí. Hélt að það yrði kannski bara vesen en neibb. Hún sagði bara já, ókei, sem er auðvitað bara bloody marvee!

Martin hélt smá forpartý hér á laugardaginn. Allt í einu breyttist ég bara í litla feimna stelpu og lokaði mig af inni í herbergi. Það var bara svo mikið af skyrtuklæddum uppagaurum að ég varð bara hálfhrædd. Fór fram, fékk mér eina sígó og brosti eins og auli. Ágætis gaurar samt. Ég hef enga fordóma gagnvart uppum. Þeir eru líka fólk. Leið þeirra lá síðan í eitthvað 150 manna einkapartý á Norrebrogade. Þegar ég var að hjóla heim af djamminu heyrði ég að partýið var enn í fullu gangi vegna þess að músíkin var SVO hátt stillt. Það var sko alveg verið að ultra blasta græjurnar (Þetta orð kemur að góðum notum, Alda!). Partýið endaði samt víst í algjörri sápu. Einhverjir tveir vaxtarræktargaurar voru víst að pissa í sturtubotninn hjá stelpunum sem héldu partýið. Þær urðu skiljanlega fúlar en þeir bara agressívir. Endaði með að þeir kýldu þær, Jesper, bróðir hans Martin, var hent utan í vegg. Löggan kom og allt í volli... Martin sagði samt að þetta hefði verið besta partý sem hann hefði nokkurn tímann farið í.