Hæólí mæólí

Váhá. Ég hefði sko alveg verið til í að vera á þessum Foo Fighters tónleikum í höllinni í gærkvöldi en í staðinn var ég föst gleðiborginni Árósum og fór að sofa kl. 10. Jamm!!! Reyndar sá ég Foo Fighters 1998 á Reading festivalinu og það var gaman en ég hefði svo mikið viljað vera þarna.

Var að fá póst frá Flugleiðaklúbbnum. Haldiði að Stuðmenn séu ekki bara að fara að spila í Kbh og í Tivoli í þokkabót. Verð nú samt að segja að mér gæti ekki verið meira sama... Verð líka í Eistlandi þá og svo finnst mér Stuðmenn bara alls ekki menn stuðsins.

Nú er ég nánast komin í helgarfrí. Búin að skrifa allar greinarnar sem ég á að skila þannig að ég er eiginlega í fríi á morgun. Bloody marvee. Svo fer ég á málþing á föstudaginn um Asíu og fjölmiðla. Alexandra prinsessa opnar málþingið þannig að ég verð þarna með the royals!

Guð, ég er mygluð. Er að fara í bíó á einhverja mynd sem ég veit ekkert um, Sweet Sixteen. Leikstjórinn heldur víst mikið upp á félagslegan raunveruleika. Bla bla. Sé ykkur. Leiterínos.