Aðeins meira en ég hafði ímyndað mér...

Ég er búin að vera að pakka í allan f.... dag. Þetta er svo mikið drasl að ég trúi því varla. Þurfti að fá lánaða aukatösku hjá Ullu og sé fram á að fara þangað að sníkja aðra á eftir. Oh, hvað ég hlakka til þegar ég verð komin með allt draslið til Árósa og inn í herbergið mitt. Þá verður kátt í höllinni. Grillveislan í gærkvöldi var æði. Ég, Ulla, Esben, Brynja, Kasper, Allen, Christina og Thor sátum í garðinum hjá Ullu og borðuðum góðan mat. Þetta endaði ekki í megasukki og ég er svo ánægð með það. Ég fór bara tiltölulega snemma að sofa. Ég hefði ekki meikað að pakka í þynnku.

Ég veit ekki alveg hvernig verður með nettengingu í nýja herberginu, held það sé samt. Annars er ég að spá í að reyna að finna mér nýtt herbergi sem er nær skólanum. Þannig að... ef þið vitið um eitthvað eða einhvern sem gæti hjálpað mér endilega látið mig vita.

Jæja, verð að halda þessu áfram...