Hvara' ske?

Ég, Ulla, Sabine og Brian fórum á Ske tónleikana í gær. Þeir voru mjög góðir, síðasta lagið fyrir uppklapp (veit ekkert hvað það heitir) var frábært og söngkona alveg rosa góð. Þar hitti ég hann Stjána, gest nr. 3000 og kærustuna hans. Hann býr bara rétt hjá mér og ég skulda honum ennþá bjór. Eftir tónleikana ákváðum við að fá okkur nokkra bjóra þarna á Stengade og hittum fyrir hljómsveitina Lesbian Lipstick (Nafngiftin tengist eitthvað pizzu sem þeir félagar fengu einhvern tímann. Don't ask me!). Gaurarnir voru eins og klipptir utan af plötuumslagi hjá Def Leppard eða Skid Row. Þeir voru í svaka stuði og ég verð að segja að söngvarinn hafi gerst aðeins of ágengur. Enga glysrokkara hér, takk!! Við hittum líka fyndnasta mann í heimi, Klaus. Hann og Andy Warhol - spitting image. Hann er með svona millisítt ljóst og blásið hár og fötin hans voru mjög mikið Warhol. Klaus kom með okkur á annan stað sem heitir Funk'en og þar dönsuðum við eða reyndum að dansa. Málið er hreinlega að Klaus var svo fyndinn dansari að við hin gátum ekki annað en grátið úr hlátri. Ég mun seint fyrirgefa sjálfri mér að hafa ekki verið með myndavél! Hreyfingarnar hjá manninum voru stórkostlegar og ekki skemmdi skrítna útlitið fyrir. Fæturnir hans fóru í allar áttir og svo klappaði hann og stappaði eins og óður maður. Stundum setti hann bolinn upp fyrir haus og dansaði þannig. Ég veit ekki hvernig þetta hljómar en þetta var gjörsamlega það fyndnasta sem ég hef séð og flestir sem voru á dansgólfinu eða sátu hjá því fylgdust með honum og hlógu. Svo þegar við kvöddum hann var eins og við værum að kveðja gamlan vin, kossar og knús en málið er að við hittum hann öll fyrst í gærkvöldi. That's Denmark for you (?).

Fórum í garðinn í gær, það var æðislegt. Fallegu fótboltastrákarnir voru þarna aftur og við nutum bara útsýnisins...

Ég og Ulla fórum á How to lose a guy in 10 days í fyrradag. Djöfull er hún fyndinn. Meira segja held ég að strákar hefðu gaman af henni, ekki svona chick flick mynd eins og hún virðist vera. Reyndar byrjaði hún soldið hallærislega. Ég sat í bíóinu og hugsaði "Ó, nei." Svo rættist bara svona svakalega úr henni og við erum ekkert að tala um að einstaka bros færðist yfir andlitið heldur roknahlátur út í gegn. Mér fannst ég bara hafa verið í svaka workouti eftir þetta, fyrir utan kílóið af nammi sem ég borðaði...

Ég er að fara að hitta mömmu hennar Hilmu í dag. Hún kemur með eitthvað af dóti fyrir mig. Vetrarföt og solleis, eitthvað sem ég þarf ekki alveg strax... Það verður gaman að hitta smá bút af henni Hilmu. Sakna þín, elskan og þín auðvitað líka, Jón Björn. Jæja, kids. I don't nenn this anymore! Kiss, kiss.

Líf mitt sem Kamilla er tíðindalítið

Er að reyna að horfa á 24 með Martin en þetta er hreinlega of ógeðslegt fyrir minn smekk. Blóð og morð og blóð og slagsmál og blóð og meira blóð. Núna eru samt einungis 17 dagar þangað til ég og Ingi Þór, ástkær systkinin, munum hittast á ný. Þá verður sko kátt í höllinni. Ég er búin að díla við Martin um að Ingi Þór fái að gista. Ég held að allt sé skárra en þegar Alexander og kærastan hans voru hjá okkur eina helgina. Þau voru að fara í brúðkaup og þá þurfti auðvitað að klippa lubbann á Alexander. Það var þá gert yfir baðinu en ekki þrifið eftir á. Ég rak upp skaðræðisöskur þegar ég kom inn á bað og sá eitthvað sem líktist litlu loðnu dýri við hliðina á Christian Dior andlitsgelinu mínu (!). Martin, sem er álíka pempía og ég, kom hlaupandi inn á baðherbergi og sá Kamillu litlu skjálfandi úti í horni... Ég er samt alltaf að spá í því hvað ég er heppin með íbúð. Stórt baðherbergi með baði, stórar svalir og you name it. Vinkonur Brynju búa nefnilega í íbúð með ansi skrítinni sturtu. Þær þurfa að standa úti á miðju eldhúsgólfi með bala og svo er risastór plasthólkur sem þær þurfa að standa inn í, ligesom en gigantisk kondom... Svo er bara að sturta sig... Crying game all over again. Minnir mig bara á Regent Palace hótelið í London þegar ég og Helga gistum þar árið 1998. Þá þurfti maður að hringja niður í lobby til að fá að komast í sturtu. Strollandi upp kom tannlaus kona með handklæði og lyklana að hreinlæti... nema það að hreinlætið virtist vera andstæða alls þess sem hreint þykir. Kúkabrúnt baðkar og blöndunartæki sem rétt sprautaðist úr, maður þurfti hreinlega að hafa sig allan við að koma ekki við baðið á meðan maður reyndi að sturta sig... ekki girnó. Oh, ég ætla að fara að hugsa um eitthvað fallegt.

...og sumarið hélt áfram í dag

Dagurinn fór í aðalvinnuna mína... sem er að liggja í garðinum... Ca. 19 stiga hiti og smá skýjað. Hitti Boga Jón, Ellert og Gísla vin þeirra. Það var gaman.

Brynja Dögg á afmæli á morgun og við ætlum með bjór í garðinn. Á fimmtudaginn er síðan Ske að spila á Stengade og við Ulla ætlum á þá tónleika. Loksins mun Ulla öðlast líf á ný. Hún er nebbla búin að vera að gera hópverkefni og á að skila því á morgun. Þess vegna hef ég ekki séð hana í soldinn tíma, ekki síðan á laugardaginn. Á föstudaginn veit ég ekki hvað ég geri en á laugardaginn er sko svaka svaka. Þetta kallast distortion party og er í gangi alla helgina en við ætlum á lokadótið. Við erum búnar að kaupa okkur miða í kampavínsbátinn(!). Í honum er frítt kampavín og músík og solleis. Þetta er svona tveggja tíma prógramm sem endar svo í einhverju lokapartýi á þurru landi. Sweet!

Sótti um vinnu á tveimur stöðum í gær. Samlokustöðum á Elmegade, vonandi kemur eitthvað út úr því.

Nenni ekki að blibba núna en Vala, ég elska þig, þú veist hvað ég meina;-)

Afmælisbarn dagsins

Hún Brynja Magnúsdóttir varaþingmaður á afmæli í dag! 26 ára. Vúúúííííí! Til hamingju, elskan!

Sumarið kom í gær

Jebb, 20 stiga hiti og ekki ský á lofti. Það hlaut að koma að þessu. Lágum í Kongens Have í allan gærdag og sóluðum okkur. Ég sólaði mig reyndar aðeins of mikið og er þ.a.l. brennd á bakinu:-/ Síðan var hópur gullfallegra karlmanna að spila fótbolta fyrir framan okkur þannig að við vorum þarna í ca. 5 tíma...

Það er sól aftur í dag þannig að ég ætla út. Ég og Martin gerðum voða fínt bréf með mynd á sem ég ætla að dreifa á staðina í dag. Vonandi gengur það eitthvað.

3000 múrinn

Blibbið er að nálgast þriðja þúsundið á teljaranum. Vúúíííí! Sá sem verður nr. 3000 verður að láta mig vita, skrifa í gestabókina eða kommentínó eða eitthvað. Verðlaun í boði!

Jimi Hendrix á öxlinni

Þetta var nú skemmtilegt. Ég er búin að ákveða að segja bara alla sólarsöguna um stefnumótið stóra, veit vel að þið eruð að drepast úr forvitni. Þannig er mál með vexti að fyrstu helgina mína í Köben hitti ég gaur sem heitir Steffen...blablabla...skiptumst á númerum...blablabla. Svo hitti ég hann reyndar líka í þessu risapartýi á Holmen og eftir nokkur sms, sem ég btw þoli ekki, ákváðum við að hittast. Við hittumst á stað sem heitir Mærkbar og er á Vesterbro en áður en ég held lengra ætla ég að koma með nokkra punkta um staðarval fyrir stefnumót sem ég og Grétar skrifuðum fyrir Röskvufréttir ekki alls fyrir löngu. Lesið þetta vel og vandlega!

Þegar tvær manneskjur draga sig saman í rómantískum tilgangi og taka að þróa með sér samband standa þær og allir sem hafa verið í sömu sporum frammi fyrir sama vandamálinu: HVAÐ Á AÐ GERA??? Manneskjunum langar til að verja tíma saman en það er ekki nóg að þær séu bara saman. Þau verða að finna sér eitthvað að gera. Förum nú gróflega yfir möguleikana. Kaffihús, bíó, vídeó. Skoðum þá alla.
Kaffihús. Áður en fólk er búið að finna sér samræðugrundvöll og sameiginleg áhugamál þá er kaffihús kjörinn staður... EF ÞÚ VILT VANDRÆÐALEGAR ÞAGNIR! Gallinn við kaffíhús er einfaldlega sá að þið þurfið að tala of mikið saman. Maður er bara að hoppa beint út í djúpu laugina. Maður veit ekki alveg um hvað er hægt að tala og það myndast ekki afslöppuð stemmning. Þetta er næstum því „turnoff.” Kaffihús eru fín á seinni stigum sambandsins en ekki á frumstigum þess.
Bíó. Bíómyndir eru skemmtilegar, á því er enginn vafi. En bíóhúsin eru andstæða kaffihúsanna; það eru engin samskipti. Við höfum ekkert við „sjénsinn” að gera á meðan bíómyndinni stendur og fyrir mynd og eftir er samræðugrundvöllurinn aðeins umrædd bíómynd. Semsagt þessi möguleiki er líka „out.”
Vídeó. Að skella ræmu í tækið lítur ágætlega út. Þar er hægt að ýta á pásu fyrir smá spjall eða jafnvel koss og ef vandræðaleg þögn kemur upp er alltaf hægt að ýta aftur á „play.” Bíðum nú við. Hvað felur það í sér að horfa saman á vídeó? Það er ekki hægt að horfa á myndbandið á hlutlausu svæði. Og það að draga „sjénsinn” strax inn á heimilið! Það er kannski of stórt stökk á frumstigum sambands og óeðlileg þróun.

Ok, eins og þið sjáið eru kostirnir hvorki margir né fagrir og ég sem þykist vera doktor í ráðleggingum um ástarlífið hoppa beint í djúpu laugina. Eftir á að hyggja er ég reyndar ekkert svo sammála grein okkar Grétars sem var reyndar skrifuð meira í gríni en alvöru eins og þið voruð kannski búin að átta ykkur á. Klára fólk! Alla vega var þetta ekkert svo hræðilegt, reyndar bara helvíti fínt. Nú ætla ég að segja ykkur aðeins frá honum Steffen. Hann er 29 ára (ekki fá áfall, mamma. Ég ætla ekki að giftast honum.) og vinnur hjá einhverju ráðuneyti, man ekki alveg hvað hann sagði, hljómaði ekkert of spennandi... Hann spilar á gítar og bassa og var lengi vel í Doors coverbandi (!) sem spilaði víst um allar Danmerkurtrissur. Núna er hann í hljómsveit sem heitir Humungus Fungus sem spilar allt frá fönki upp í polka, hahaha! Svo er hann með tattoo af Jimi Hendrix á öxlinni. Eruð þið eitthvað farin að ímynda ykkur þetta? Bróðir hans er í fangelsi vegna þess að hann er/var eiturlyfjasjúklingur og búin að vera inn og út úr steininum í langan tíma. Þetta er reyndar önnur og sorglegri saga sem ég ætla ekkert að fara út í. Ég komst að þessu öllu með því að sitja með manninum á kaffihúsi þannig að þessi kostur er nú ekkert svo slæmur. Auðvitað komu vandræðalegar þagnir inn á milli en það er hægt að vinna úr þeim á ýmsa vegu. Til dæmis með að tala um spikfeita barþjóninn, lagið sem er verið að spila eða veðrið. Það er alltaf klassískt, reyndar töluðum við ekkert um veðrið í gær...

Eftir Mærkbar fórum við á Riesen og hittum þar Ullu og Sabine (Stelpa sem var skiptinemi á Íslandi). Svo voru þarna Íslendingar og ég þekkti einn þeirra (!), hana Ollu. Hún er vinkona hennar Önnu, vinkonu minnar og við vorum saman í Kynferði og hnattvæðingu í HÍ. Það var gaman að hitta hana, verst að ég var búin að fá mér aðeins of mikið í annan fótinn. Vona að ég hafi ekki orðið mér til skammar:-/ Held samt að ég hafi bara verið skemmtileg... Brynja Dögg kom síðan á Riesen og vildi kíkja eitthvað annað þannig að við stungum eiginlega af. Ég er meira að segja svo ömurleg að ég kvaddi ekki Steffen... Við gerðum þau mistök að fara á Moose. Boring!!! Gerðum líka þau mistök að fara á McDonald. Syndsamlega gott!!! Hjólaði síðan drukkin heim og var ósjaldan næstum búin að kála mér.

Í kvöld er það bara JÚRÓVÍSJÓN!!!!!!!! Vúúúúíííííí!!! Áfram Gitte Haukdal!!! Ég er einmitt búin að vera að spara blöðru með íslenska fánanum (Takk, Fanney mín!) fyrir stund sem þessa. Er búin að vera að lesa þetta skemmtilega júróblogg hjá Loga og Gísla Marteini. Ágætt, alveg hreint. Björk, Sigurgeir og Sigrún ætla að halda Júrópartý og Ulla fær að upplifa ekta íslenskt júrovisjónpartý. Vantar bara risaskjáinn eins og hjá Krissa. Svo eru Olla og kærastinn hennar líka með partý, kannski að við tékkum á því.

Well, ég er búin að skrifa heilan helling, held að ég fari og búi mér til velling, er ekki búin að borða neitt og klukkan orðin eitt...

Þessi mynd hefur alltaf vakið mikla katínu hjá mér og mínum þannig að ég set hana bara aftur inn... svona bara ef þið voruð búin að gleyma hvernig ég lít út. Ég verð nú að segja að ég sakna þessara buxna soldið. Mjög fallegar. Ég hefði meira að segja getað slegið tvær flugur í einu höggi og notað þær líka sem tjald á Hróarskeldu... Talandi um Hróaskeldu. Fékk einmitt bréf í gær frá gaurunum sem ég verð að vinna fyrir og þetta hljómar mjög vel!

Jæja, ég ætla að þrífa af mér skítinn. Ég er nebbla að fara á stefnumót i aften... Hmmmm... spennó, ekki satt?

Fokking sjitt

Ég fékk ekki þessa helv... vinnu sem heimahjálp. Þetta eru bara first class slugsar þarna hjá Nordjobb, ég sver það. Þetta þýðir bara eitt. Ég verð að finna vinnu sjálf:-/ Það er líka bara allt í lagi en ég veit varla hvernig ég á að snúa mér í þessu. Sem sagt, ég er atvinnulaus aumingi, eitthvað sem ég bjóst aldrei við að vera/verða. Peningagjafir eru vel þegnar og einnig ábendingar um störf. Reyndar sótti ég um hjá Change Group og á tveimur veitingastöðum en er ekkert búin að heyra. Reyndar sótti ég bara um þetta í dag og í gær þannig að... Þetta er ótrúlega skrítin tilfinning vegna þess að ég hef aldrei verið í vandræðum með að fá sumarvinnu. Ég hef m.a.s. alltaf fengið mjög fínar sumarvinnur en einhvern tímann er alltaf fyrst. Ég er farin út að tína flöskur...

Góðan daginn... eða hvað

Það er fjandans rigning úti og ég er búin að vera með kvef síðan ég kom hingað, næstum þrjár vikur. Það er nebbla varla verið að kynda upp húsin eftir að vorið er komið. Nema það að vorið er bara hérna einn og einn dag í einu og ég að frjósa og með lekandi hor og ljótan hósta og enga vinnu og tár á kinn... Reyndar eru vinnu- og tárahlutinn lygi. Er bara ekki byrjuð enn (að vinna þ.e., ekki gráta).

Laugardagskvöldinu hjá Önnu Pálu má lýsa með tveimur orðum. Át og upprifjun. Við fengum nautalund í matinn. Ú, beibí. Svo var ís í eftirrétt og ostar seinna um kvöldið. Held ég hafi étið stanslaust til klukkan tvö... Við rifjuðum upp æskuminningar og hlógum eins og fífl. Ég komst að því að ég hef afar takmarkað minni af æsku minni. Reyndar er það soldið skrítið að ég man lítil smáatriði en ekki stóra hluti. Til dæmis mundi ég ekki hver var umsjónarkennarinn minn í 7. bekk en man eftir því að nágrannar vinkonu minnar störtuðu alltaf bílnum sínum með skrúfjárni (!).

Afmælisbarn dagsins er Ulla. Til lykke, skat! Hún er 27 ára gömul og ég fór í afmælisbrunch til hennar í gær. Við sátum ca. 12 saman úti í garði hjá henni og borðuðum brunch. Voða næs. Það var geggjað veður alveg til kl. 4 en þá varð allt skýjað og fór að rigna. Þetta gerðist á svona fimm mínútum og mér varð hugsað til Íslands;-)

Afmælisbarn dagsins

Hún Marta, yndislega vinkona mín, á afmæli í dag. Til hamingju, rósin mín!!!!!!! allimaK go atraM. Vííííííííí!!!

Kim Wilde er væld

Þessir tónleikar voru alveg brill. Troðið Tivoli og Kim Wilde var ekki að ná sér yfir viðtökunum sem hún fékk. "You are such a great audience. I'll never forget this!" Við vorum reyndar ekki alveg við sviðið en sáum samt mjög vel. Stóðum ofan í risa blómapotti og dönsuðum og dönsuðum. Þegar hún tók Set me free (why don't you, babe... you just keep me hanging on) varð allt vitlaust. Svo sagði hún bara bæ og fór af sviðinu nema það að hún var auðvitað klöppuð upp og þá tók hún Kids in America. Æði!!!!! Og hún tók það ekki bara einu sinni heldur tvisvar. Þannig að Kim Wilde er enn í roknastuði þrátt fyrir að vera á fimmtugsaldri. Algjör gella í leðurpilsi og leðurjakka.

Eftir tónleikana fórum við á Ideal Bar og dönsuðum frá okkur allt vit. Táslurnar mínar voru allar útataðar í mold þegar ég vaknaði í morgun:-/ Tími fyrir fótabað...

Í kvöld er það dinner hjá Önnu Pálu í Herlev. Hún er með svaka steik. Það verður ljúft! Ég ætla m.a.s. bara að gista hjá henni og Guðna Ívari. Við munum hafa það náðugt.

Hey, eitt einn. Vann 15.000 í happdrætti HÍ. Það setur smá delay á monningaáhyggjur. Stóri vinningurinn er síðan ekki langt undan. I feel it in my bones!!!!

Kim Wilde, ú beibí!

Já, Kim Wilde er að spila í Tivoli í kvöld og ég ætla að fara og hlusta á hana. Kids in America er auðvitað hrein snilld! Fer með Brynju Dögg og vinum hennar. Ætlum út að borða fyrst og skella okkur síðan á tónleika. INXS verða líka að spila þarna seinna í sumar. Ég varð voða spennt fyrst en mundi svo að Michael Hutchence aðalsprautan er dáinn þannig að spenningurinn var fljótur að fjara út.

Anyways, nenni ekki að blibba núna. Segi meira frá Kim Wilde seinna:-)

Atvinnuleysi no more

Ég held barasta að ég sé komin með vinnu. Hafði samband við Nordjobb í morgun og ég get farið að vinna sem heimahjálp. Þá mun ég hjóla á milli heimila gamals fólks, kaupa í matinn fyrir það og þrífa hjá þeim og svoleiðis. Þetta er alveg ágætt. Vinn frá 7.45 til 2 á daginn. Það er eiginlega það besta við það. Ég held ég fái um 1200 kr. tímann sem ætti að duga fyrir leigu og helstu nauðsynjum:-)

Hjólaði í Rúmfatalagerinn áðan og keypti lak á rúmið mitt og lítinn bala fyrir vikulegu fótaböðin mín. Allt hefur farið úr skorðum vegna þess að ég hef bara einu sinni farið í fótabað síðan ég kom hingað:-/ Nú mun það allt lagast!

Jæja, það er sól og ég er inni. Ekki góð blanda. Best að gera eitthvað! Ciao eða hej hej eins og tíðkast hér á landi!

Fyrsta almennilega kvöldmáltíðin

Ó, jess. Fór í mat til Mumma, Mædu og Sölku í Herlev í kvöld. Það var svoooo ljúft. Frábært að fá almennilegan mat. Fékk meira að segja ís í eftirrétt. Svo verð ég að segja að hún Salka er sætasta frænka mín (á reyndar margar ofsa sætar):-) Sjáið hana bara. Alveg gætu þessi augu fengið mig til að gera allt fyrir þessa skottu.

Oh, ég er þreytt! Búin að éta yfir mig.

Víííí! Brynja Dögg kemur til Köben á morgun. Þá verður sko farið að pæjast. Hún verður nebbla hér í allt sumar. Það verða sko haldin uberchicknachts á danska vísu:-)

Stefnumótafár

Martin sem ég bý með sagði mér leyndarmál í gær sem ég ætla að segja ykkur. Hann var að skrá sig á stefnumótavef sem heitir dating.dk. Setti inn mynd og allt og er búinn að fá svaka viðbrögð enda alls ekki ómyndarlegur maðurinn. Hann er einmitt að fara að hitta eina í kvöld. Svo á ég að vera svona dómari ef hann kemur með þær heim. Já, ég á líka að stoppa hann af ef hann tapar sér í þessu stefnumótadóti... gæti orðið erfitt. Hmmm.

Það rigndi svo mikið í dag að ég fór ekkert á stúfana í leit að vinnu. Ekki beint impressive að koma hundblaut með lekandi maskara eða eitthvað álíka og biðja um vinnu. Sérstaklega ef það er ekki hægt að gera það á almennilegri dönsku. Ég og Ulla ætlum að tékka á svona vikar fyrirtækjum á morgun. Þetta er svona eins og bandarísk temp þjónusta. Það gæti orðið fínt. Þá ræður maður hvað maður vinnur mikið. Gallinn er hins vegar sá að maður er líklega aldrei að vinna á sama staðnum sem yrði líklega soldið erfitt fyrir mitt skipulagða sjálf.

Jæja, klukkan er átta. Ég er svöng. Stevie syngur ...love's in need of love today...

Algjört ógeð
Djöfull er Coyote Ugly afspyrnu léleg mynd! Það er nú ekki mikið úrval í danska sjónvarpinu þannig að ég er búin að sitja yfir þessari mynd aðeins of lengi. Verst er þegar söngatriðin koma, þá verð ég í alvörunni að skipta um stöð svo ég æli ekki. Sem sagt, þessi mynd er EKKI góð. Eina sem fólki gæti þótt skemmtilegt við þessa mynd eru rassar, brjóst og eggjandi dans. En mér finnst rassar og brjóst og solleis ekki voða skemmtó þannig að það er ekkert sem nálgast það að vera bærilegt við þessa mynd. Samt er hún að verða búin og ég búin að horfa á hana næstum alla. What is the world coming to??????

Hey, pabbi gamli og hipparnir bara búnir að setja lög inn á rokk.is. Tékkið á því! Hippar í handbremsu. My old man í sínu besta formi.

Helgin búin

Jæja, þá er önnur helgin mín í Danmörku liðin. Smá útdráttur:
Föstudagur
Ég og Ulla fórum í partý sem hönnunarskólinn, arkitektaskólinn, kvikmyndaskólinn og leiklistarskólinn héldu. Þetta var haldið á stað sem heitir Holmen þar sem arkitektaskólinn er. Þetta var stærsta partý sem ég hef á ævi minni farið í. Það voru örugglega nokkur þúsund manns þarna. Það kostaði 100 kr. inn og matur fylgdi. Partýið skiptist í fullt af sölum. Það var hip hop salur, afslöppunarsalur, karoke og alls konar dótaríi. Ótrúlega skemmtilegt. Við vorum þarna í sjö tíma og sjaldan hef ég séð eins mikið samansafn af sætum gæjum. Úíííííí!
Laugardagur
Fór út að borða með Björk, Guggu og Sigrúnu, vinkonu Bjarkar. Við fórum á stað sem heitir SuperGale. Mjög flottur staður. Svo ætluðum við í kosningapartý hjá einhverju fólki. Þetta var ekki bara eitthvað fólk heldur Hildur og Bjarki, vinir hennar Rúnar. Ég vissi ekki hvert við vorum að fara fyrr en á SuperGale þannig að þetta kom skemmtilega á óvart. Hildur og Bjarki vissu ekki heldur að ég væri að koma til þeirra þannig að það voru fagnaðarfundir þegar við komum til þeirra. Við horfðum á kosningasjónvarp RÚV á netinu og vorum ekki beint ánægð með niðurstöðu kosninganna... en það er annar handleggur. Það eru greinilega engar breytingar í nánd:-( Ég fékk aðeins of mörg staup af íslensku brennivíni... venjulega myndi ég ekki snerta þennan óþverra en það virðist vera annað upp á teninginn þegar maður er í útlöndum:-/

Æ, ég er mygluð. Don't nenn blibbing anymore...

Queen size city here I come!

Jæja, já. Kamilla litla bara komin með risa rúm. Þannig er mál með vexti að Alexander tók ekki bara græjurnar, örbylgjuofninn og ristavélina heldur líka annað rúmið af tveimur á þessu heimili... Þannig að ég svaf á illa lyktandi dýnu í nótt, íjúúúú. Ég og Martin þurftum auðvitað að redda þessu og fórum inn á dba.dk til að finna notað rúm. Nú hugsa þeir sem þekkja mig vel: "Bíddu, bíddu! Kamilla sofandi í rúmi sem einhver annar en nánasta fjölskylda og vinir (og ótal elskhugar... hahahahahah. Sorry, mamma og pabbi! Gekk ég alveg fram af ykkur núna?) hefur sofið í. Det stemmer ikke!" Alla vega, þetta sama hugsaði ég nema bara í fyrstu persónu eintölu. En ég ákvað að tékka á þessu. Hringdi í einn gaur í morgun og ákvað að skoða rúmið hjá honum. Martin reddaði bíl úr vinnunni og við fórum af stað. Soldið stress í bland við smá ógeðstilfinningu við að fara að skoða notað rúm. Svo var þetta bara svona fínt fólk og ekkert ógeðslegt. Ungt par sem á von á barni, voða næs. Og rúmið alveg huge. Það kemst varla annað fyrir í herberginu mínu sem er bara allt í lagi vegna þess að ekki ætla ég að hanga þar í allt sumar. Hey, gleymdi að segja frá því besta... Rúmið kostaði bara 200 kr. danskar. Alveg hreint stórkostlegt. Meira segja átti það að kosta 250 kr. en ég ruglaðist og sagði 200 kr. og gaurinn bara já, ókey... Kamilla bargain master!

Ú, beibí, beibí, summer is here

Jess, siree bob, það er ljúft veður í dag. Fór niður í bæ og hitti Önnu Pálu. Við rápuðum í búðir og keyptum eitthvað smotterí, m.a. forláta lampa í nýja herbergið mitt. Martin er nebbla kominn heim, Alexander fluttur út og ég komin í nýtt herbergi. Líður samt eins og ég hafi verið að skilja vegna þess að Alexander tók græjurnar, örbylgjuofninn og ristavélina. Áður en Martin kom heim þurfti ég þ.a.l. alltaf að hlusta á músík í tölvunni minni, ekki gott. Það er eins og að hlusta á fólk spila og syngja inni í kassa. Minnir mig á það þegar ég var barn. Þá hélt ég lengi vel að hljómsveitirnar væru innan í hátölurunum. Horfði stundum inn í hátalarana og get svo svarið það að stundum sá ég böndin. Soldið brenglað barn...

Alla vega, ég og Anna Pála höfðum það næs í bænum í sólinni. Gott ef ég fæ ekki bara nokkrar freknur eftir daginn:-) Sátum á Gammel Torv og fengum okkur bjór. Þá hef ég formlega drukkið fyrsta bjórinn að degi til hér í Danmörku. Víííí! Núna er ég komin heim. Skrapp í Superbrugsen og keypti mér jarðaber og nýjasta Eurowoman. Ætla að sitja aðeins á svölunum og hlusta á maestro Bob Marley. Mér finnst hann alveg vel við hæfi í sólinni.

Prufið þetta litblindutest.

Gaman gaman

Ske og Apparat munu spila í Stengade 30 í lok mánaðarins. Það skemmtilega við þetta er að Stengade er gata við hliðina á Griffenfeldsgade. Stengade 30 er yfirleitt svona staður þar sem pönkararnir hanga á (þetta er þeirra hverfi) en ég ætla að láta slag standa og skella mér á tónleika með þessum fínu íslensku böndum þann 29. maí. Það er einmitt merkilega mikið af pönkurum hérna. Sá einn í gær sem var með stærsta eyrnalokk sem ég hef augum litið. Svo er líka voða mikið af hallærislegum hárgreiðslustofum í hverfinu mínu. Ég verð eiginlega bara að taka myndir af þeim til minningar. Labbaði fram hjá einni í gær sem var vægast sagt lummó. Í glugganum voru marglitar ljósaseríur, svona slöngudót og loftið var klætt álpappír. Ég myndi aldrei, fyrir mitt litla líf, leyfa neinum á þessari stofu að koma við, hvað þá klippa, hárið mitt...

Pusherstreet skal væk

Það á að eyða Kristjaníu! Hægrisinnuð ríkisstjórn ætlar að leggja niður Kristjaníu og einhvers staðar heyrði ég að það eigi að byggja þar 300 nýjar íbúðir. Heimsku hægrisinnuðu kúkar. Ekki það að ég reyki dóp en Kristjanía er stór hluti af Köben og þessari hyggelige stemmningu sem borginni fylgir. Nú verður hver að nýta tækifærið áður en Stína hverfur... Það er líka bara útópísk hugsun að halda að eiturlyfjavandamál hverfi með því að eyða Kristjaníu.

Það rignir í dag

Ætla að hitta Erlu og VIgga aftur í dag. Hún á afmæli. Víííí! Svo er hún að fara að láta mig hafa kjól sem hún var með í láni og bónus kakómalt. Ullu finnst allt þetta bónusdót svo kitsch að ég ákvað að gefa henni kakó. Ég sendi Erlu sms og bað hana um að kaupa bónus kakómalt með svíninu á. Erla sagði ekkert mál en hélt innst inni að ég væri að missa vitið. Gæti ekki verið án kakómaltsins í Danmörku og þyrfti að láta senda eftir því... og ég sem drekk ekki einu sinni mjólk!

Pabbar kunna ekki að pikka
Alla vega ekki pabbi minn (Sorry, elsku pabbi en þetta eru blákaldar staðreyndir). Á meðan ég er að skrifa þetta er ég líka að tala við hann á msn og borða samloku. Gæti satt best að segja bara tekið mér smá lúr eftir matinn og pabbi tæki ekki eftir því. Hmmm...

Danskur þegn... eða svona næstum því

Jæja, í dag skráði ég mig inn í landið eftir að hafa verið í einhvers konar limbói síðan 30. apríl, hvorki skráð hér né heima. Svo kom ég heim og skrúbbaði eitt stykki klósett. Ég hélt að það hefði ekki verið þrifið í marga marga mánuði en svo var drullan bara föst í því. Spennandi, ekki satt?!

Ég sótti um í Carhartt búðinni. Talaði bara við einhverja stelpu sem vinnur þarna, bossinn ekki við og skildi eftir umsókn. Vonandi verður haft samband við. Svo fór ég á kaffihús sem ég hafði frétt að vantaði starfsfólk á en þar var búið að ráða. Fjandans! Eruð þið með einhverjar hugmyndir?

Ég hitti Erlu og Vigga í dag. Þau eru í smá fríi hér í Köben og við hjóluðum í Örstedsparken og fengum okkur pizzu á frábærum stað á Nansensgade. Fórum svo með pizzuna í garðinn og tróðum henni í andlitin á okkur;-)

Frekar rólegur dagur... sem er bara fínt. Ætla bara að hanga heima í kvöld og glápa á imbann.

Ég var að lesa á mbl.is að það er 2 stiga frost í Rvk. Langar í tilefni þess að segja ykkur að það er sól og hiti á bilinu 10-17 stig... Múhahahahahaha... Nú hefst atvinnuleit!

Absúrd dagur

Við fórum frekar snemma heim í gærkvöldi (um þrjú) vegna þess að Ulla var búin að plana eitthvað fyrir okkur daginn eftir sem hún vildi ekki segja hvað væri. Svo mætti ég heim til hennar um eitt leytið og við hjóluðum út á ráðhústorg. Þar var stórt svið og hljómsveit að spila einhvers konar sígauna/kósakka/get ekki alveg skilgreint tónlist (samt mjög skemmtilegt). Á stórum borða yfir sviðinu stóð Latterens Verddag (sic)... Í dag var sem sagt alþjóðlegur dagur hlátursins! Eftir nokkur misskemmtileg atriði mættu allir formenn hlátursklúbba í Danmörku (sem eru furðulega margir) upp á svið og kynntu sig. Þarna var líka nokkuð merkilegur maður, nefnilega formaður heimsklúbbsins. Indverskur gaur með frábæran hreim. Hann sagði alltaf: "Danes are the best laughers in the world" en vegna hreimsins hljómaði það alltaf eins og "Danes are the best lovers in the world." Mjög hlægilegt. Hann sagði að allir ættu bara að hlæja og gera sjálfa sig og aðra hamingjusama og þá gætum við öðlast heimsfrið... Alla vega, enough about world peace;-) Svo komu hlátursæfingarnar. Þá byrjaði sko fjörið. Ráðhústorg stappað af fólki og allir hlæjandi. Við gerðum kokteilhláturinn, heit súpa hláturinn, raflostshláturinn og sv.frv. Síðan áttum við að setjast á jörðina og fara í hring með svona sex manns og hlæja. Við sátum þarna með fólki sem við þekkjum ekki neitt og hlógum eins og fífl. Við áttum m.a.s. að horfa í augun á fólkinu sem var soldið skrýtið. Einn gaurinn þarna var með tyggjó og hló svo mikið að það datt út úr honum. Það var sko byrjunin á hláturskasti allra í hringnum, alveg súrrealískt verð ég að segja. Eftir þessa leikfimi hófst hláturskeppni. Keppt var í mest smitandi hlátrinu, skrýtnasta hlátrinum og besta hermt eftir e-m frægum hlátrinum. Það var fyndið í svona fimm mínútur. Svo urðum við bara að fara enda magavöðvarnir orðnir vel æfðir eftir alla hlátursleikfimina. Þá fórum við bara á Makkarann og fengum okkur burger og fries.

Í kvöld fórum við í bíó. Bíóið heitir Empire og Ulla vann þar í mörg ár. Æðislegt bíó! Kertaljós og blóm og kósý stemmning. Við sáum The life of David Gale með Kevin Spacey og Kate Winslet. Ágætis mynd alveg enda alltaf frábært að sjá Mr. Spacey láta ljós sitt skína.

Á morgun ætla ég í atvinnuleit og skrá mig inn í landið (rétt misstum af helvítis skrifstofunni á fös. Lokaði kl. 13). Ég sá auglýsingu um að starfskraft vantaði í Carhartt búð í götunni hennar Ullu. Ég ætla að tékka á því. Það yrði fínt að vera bara í fatabúð í stað þess að vera á þönum með kaffibolla og bjór... Talaði líka við Nordjobb liðið en störfin sem eru í boði hjá þeim eru alveg hryllilega óspennandi. Samt má ég auðvitað ekkert vera eitthvað picky, verð í rauninni bara að taka því sem fæ (eða svona næstum því).

Er að hlusta á nýja Cardigans diskinn núna. Alveg hreint bloody marvee. Þau eru svona soldið eins og þau voru fyrst en samt á fágaðari hátt. Skidegodt, mand (segir kannski enginn þetta í Danmörku???)

According to the "Which Big Lebowski character are you?" quiz:

Why don't you check it out? Or we cut of your Johnson!

Hljómar samt ekki voða mikið og el Kamillerínó...

Það er stórt batterí að eiga hjól í Danmörku
Það þarf lugt að framan og aftan annars hendir löggan manni bara í steininn... Svo þarf alltaf að vera að læsa fáknum þannig að honum verði ekki stolið (reyndar er það góð regla hvar sem maður er staddur). Svo þarf maður að fara á hjólinu á djammið vegna þess að allt er svo langt í burtu. Það var frekar skrítin tilfinning í gær að vera uppdressuð og fara síðan út og taka hjólið með. Mér fannst það ekki alveg passa:-/

Í gærdag fórum við út um allar trissur. Við náðum í Kasper, litla frænda hennar Ullu, á leikskólann. Yndislegt barn. Mamman dönsk og pabbinn enskur þannig barnabablið hans er frekar skrítið. Stundum var eins og hann væri að tala arabísku. Svo talaði ég bara íslensku við hann og við urðum mestu mátar. Reyndar held ég að súkkulaðið sem ég gaf honum hafi átt stóran þátt í því:-)

Ég var komin heim um sexleytið og fékk mér smá kríu. Svo lá leiðin á djammið. Við ákváðum að eyða kvöldinu á Vesterbro og byrjuðum á litlu galleríi sem fólk sem Ulla þekkir rekur. Þar var verið að opna sýningu. Við komum reyndar soldið seint en hittum þar fólk sem borðaði morgunmat með okkur 1. maí. Það var frítt kampavín og rauðvín þannig að við lágum í því. Eftir það fórum við á stað sem heitir Riesen og er á hliðargötu út frá Istedgade. Pínku ponsu staður og alltaf stútfullur af fólki. Skidegodt, mand! Þar drukkum við aðeins of mikið af gini og hittum síðan Sissa. Hann kom til að hitta okkur og það var gaman að hitta smá íslenskt blóð. Reyndar finnst Sissa svo gaman að tala dönsku að hann vildi bara helst tala við mig á dönsku. Ég var ekki alveg á því. Eftir Riesen fórum við aftur á Norrebro og vorum búin að heyra af partýi í einhverri gamalli kirkju. Það var samt allt lokað og læst þegar við komum þannig að við fórum á eitthvað skítapleis í smástund. Svo áttuðum við okkur á því að við vorum svo fullar að koddinn væri bara besta hugmyndin. ZZZZzzzz...

Á mánudaginn verð ég að finna mér vinnu. Við gerðum lista yfir hugsanleg djobb og ég verð bara að þræða staðina. Reyndar sá ég auglýsingu um starf í lítilli fatabúð í götunni hennar Ullu. Ég ætla að tjékka á því. Maður þarf nú varla að kunna mikið í dönsku til að segja fólki að tiltekin flík sé "voða mikið þú." Du ser meget degligt ud i blusen...

Well, kids. Ætla að hrjóta aðeins núna. Er að fara út að borða í kvöld og líklegast á djammið eftir á.

Ég eignaðist lítinn frænda í nótt. Ásdís og Stebbi voru að eignast lítinn strák. Lítinn rauðhærðan engil fæddan á degi verkalýðsins:-)

Á morgun fer ég að skrá mig inn í landið og fá kennitölu og svoleiðis. Svo þarf ég að gera þetta helv verkefni í ljósvakamiðlun. Um kvöldið ætlum við út að borða á víetnamskan stað og svo förum við á opnun á einhverri sýningu.

Núna gisti ég í herbergi Martins, gaursins sem ég mun búa með en Alexander er að flytja út og ég fæ herbergið hans. Það er frekar lítið en ég mun gera það voða kósý. Ragnheiður Ösp gaf mér rauða ljósaseríu sem ég tók með mér til DK. Eins gott bara að ég setji hana ekki í gluggann hjá mér. Þá yrði voðinn vís:-/

Jæja, ZZZZzzzzz....

Það hefur rignt geðveikt mikið í dag. Venjulega eru rosa hátíðarhöld og Fælledparken fullur af fólki en í dag voru 10.000 manns miðað við 75.000 í fyrra. Ég fór í morgunmat til Ullu og Esben í morgun. Allir vinir hans komu líka og við borðuðum pönnukökur, hrærð egg, melónur og vínber. Mjög ljúft. Vinir Esben eru mjög fínir og ég hlakka til að kynnast þessu fólki betur.

Við löbbuðum helling um hverfið í gær og það er allt til alls hérna. Vonandi get ég fengið vinnu á einhverju kaffihúsi hér í grenndinni. Það er alla vega fullt af þeim hérna.

Ég er með rosalegt kvef. Hef aldrei verið eins nefmælt.

Æ, ég er e-ð svo stífluð að ég get ekki hugsað. Skrifa meira seinna...